Adieu

(Text & Musik: Augustin Lehfuss – ©2011 Augustin Lehfuss)

Du gehst a and´re Strassen
ziagst in die Welt, mit and´re Menschen, and´re Freund als mi
für mi is jetzt ka Platz mehr – i versteh

Für Di is nimmer wichtig
ob´s mir jetzt guat geht oder ned, es ist passiert, vorbei
und i lass Di geh´n – Adieu

I hab Di söba wegtrieb´n
I hab ned g´merkt, wie du mi magst, wie sehr i Di verletz
wie sehr, dass dir des wehtuat, – dass i geh
Und dann, war alles anders
du hast dann auf die söba denkt, hast nimmer gwart´ auf mi
des war´s, i kanns versteh´n – Adieu

Und jetzt gehst a ganz a and´re Richtung
und jetzt lebst a ganz a and´res Leben irgendwo
pass guat auf, du, auf Di
i denk oft no an Di
viel zu spät – Adieu

und oft, frag i mi söba
wo du jetzt bist, und wie´s da geht, und ob du glücklich bist
und ob du di erinnerst, no an mi

Des Leb´n, des geht ja weida
i steh jetzt wieder grad im Leb´n, der Schmerz der geht vorbei
für uns is jetzt ka Platz mehr – i versteh

Und jetzt gehst a ganz a and´re Richtung
und jetzt lebst a ganz a and´res Leben irgendwo
pass guat auf, du, auf Di
und denk manchmal an Di
es is guat – Adieu

ein „wir“ kann´s nimmer geben – Adieu