Kumm‘ mit nach Simmering

(Text & Musik: Augustin Lehfuss – ©2008 Augustin Lehfuss)

Schön war´s heut auf´d Nacht in dem Kaffeehaus
Bei Dir hab i mi wohl g´fühlt, wie ganz selten nur davur
Auf amoi war´s ganz anders
plötzlich war der Schmäh furt
Auf amoi hab i spürt, jetzt is irgendwas passiert
Und dann wars auf amoi still in dem Kaffeehaus
Hab a kane leit mehr g´hört
Dei hand in meiner Gspürt
und Du warst so nah bei mir
hast ma in die Augen g´schaut
da hab i anfoch gfragt
was jetzn da draus wird….

I fahr nach simmering
Du fahrst nach Ottakring
Dazwischen stengan mir zwa am Bahnsteig
Fahr a jeder alanig ham
I fahr nach simmering
Du fahrst nach Ottakring
Fahrt a jeder in sei Richtung
Und frag mi za wos (wozu)
Ganz allan…

Hast Du des ned g´spürt in dem Kaffeehaus
Wia des unter´d Haut geht, bei Dir und a bei mir
Mei Herz war bald zersprungen
Und Du hättst bald ka Luft kriagt
Und i riach no immer, den Duft von Deine Haar
Hast Du des ned g´merkt wie i Di gernhab
Sichst du ned wie wichtig du auf amal für mi bist.
Nie werd is vergesse
Die paar kurzen Stunden
Was mir zwa do g´spürt hab, des war wirklich wahr….

Kumm mit nach simmering
Fahr ned nach Ottakring
Und mir halten sie fest am Bahnsteig
Fahrn mitananda ham
Kumm mit nach Simmering
Fahr ned nach Ottakring
Fahrma alle 2 in a Richtung
Bitte fahrma endlich ham
Kumm mit nach simmering
Fahr ned nach Ottakring
Und mir halten sie fest am Bahnsteig
Fahrn mitananda ham
Kumm mit nach Simmering
Fahr ned nach Ottakring
Fahrma alle zwa in a Richtung
Und i sag da za wos
Ned allan